Njagala musaakaanye nnyo
Ate wakati mu kucanga endongo
Essanyu lyambugaanye
Olwa Mukama waffe okuva e magombe
Nnyimbye nseenekerera era sipapizza bigambo
Nsobole okumatiza omukkiriza
Nti ekyaffe kyayengedde
Lunaku lwa kunyanyagiza bivuga
Era luno lunaku lwa ddembe ddembe
Lwe lukira endala okusanyukirwa
Era tulina ffe kusaakaanya nnyo
Gwe twenyumirizaamu
Yezu Kristu omununuzi w’ensi
Dunia yayuguuma nnyo
Ng’Omuyinza oyo akkirira e magombe
Bambi yayaayaana nnyo
Bwe yakubwa ennyo n’okusambwasambwa
Nga tewali ataakirizaako so
Teyalangwa nsonga n’emu
Abakafiiri!!!
Ababatize tuyimbe
Nga tusaakaanyiza waggulu
Nti mirembe mirembe
Mukama waffe okuva e magombe
Aah ye wuuyo ayambadde obutafa
Okuva e magombe
Ddala mirembe mirembe
Mukama waffe okuva e magombe
Kitalo nnyo! laba abakafiiri bwe bafutubbadde
Okwo kulimba bulimbi era ako
Bakaabya kajanja bujanja
Kitalo nnyo! laba abakafiiri bwe bafutubbadde
Ebyo bye bafutubbadde
Baabifutubbala dda dda dda dda
Kitalo nnyo! laba abakafiiri bwe bafutubbaza
Baleke gwe ne befuttubbaza
Ffe ssi twakalaba abefutubbaza
Wamma ffe tuyimbe
Nga tusaakaanyiza waggulu
Nti mirembe mirembe
Mukama waffe okuva e magombe
Baamuduulira nnyo bwe bamala
Okumukuba enninga mu ngalo
Ku musaalaba gwe nti
‘Mukama kitaawo agukutaaseeko’
Kwali kutyoboorwa nnyo
Okumussa mu gabbi ga kkondo wakati
Kabaka oyo omulambirira
Yezu Kristu Omununuzi w’ensi
Baamulumya nnyo okumuzingirako
Omuge gw’amaggwa
Kko n’okumuleka obukunya
Ebyambalo bye anti nga bigabaniddwa
Ne bamuboggolera
N’amalusu ne bagamuwandulira
Baali bagwagwa bugwagwa ebyo byonna
Okubikola Omulangira omulamba
Bonna ne bagumusalira
Kale ogwo gwali musango nabaki!
Omuntu okugamba obugambi
Nti gundi ye kitange omuvunaana otya?
Eli lema sabachthani’ nga kiri mu lulimi lwe
Ye kye yeyogerera ng’assa
Omukka olwo ogwakomererayo
Ekivvuunulwa nti ‘Ayi Kitange Katonda w’ensi
Omulimu gwe wantuma guwedde
Taata nguleka mu bwangu’
Hmmm hmmm hmmm
Hmmm hmmm hmmm
Yaziikwa n’amalaalo ge
Ne gassibwako oguyinja oguzito
Kyokka Maria Madalena okukeesaayo
Obuwoowo nga yazuukiziddwa
Yasangayo malayika eyo gye yaziikwa
Ewala mu magombe
Eyamuwa n’amawulire ago nti genda
Obagambe nti yazuukiziddwa
Ye nnyimbe ntya nze?
Paul omuyimbi n’agamba ntya?
Kino kya mukisa nnyo era
Buli mubatize asaana ajaganye
Oh ddembe ddembe
Lunaku lwa ddembe ddembe
Ŋenda okutema omuziki
Awo anaavunaana ayambala mangu
Munywe nnyo mulye nnyo
Muyimbe nga musaakaanyiza waggulu
Era mwatule nti amazuukira
Lunaku lwa ddembe ddembe
Kati no tuyimbe
Nga tusaakaanyiza waggulu
Nti mirembe mirembe
Mukama waffe okuva e magombe
Aah ye wuuyo ayambadde obutafa
Era okuva e magombe
Ddala mirembe mirembe
Mukama waffe okuva e magombe
Ate kitalo nnyo, laba abakafiiri
Ate bwe bafutubbadde
Okwo kulimba bulimbi era ako
Bakaabya kajanja bujanja
Kale kitalo nnyo
Laba abakafiiri bwe bafutubbadde
Ebyo bye bafutubbadde
Baabifutubbala dda dda dda dda
Oh kitalo nnyo
Laba abakafiiri ate bwe bafutubbadde!
Baleke gwe ne befuttubbaza
Ffe ssi twakalaba abefutubbaza
Wamma ffe tuyimbe
Nga tusaakaanyiza waggulu
Nti mirembe mirembe
Mukama waffe okuva e magombe
Tuyimbe, nga tusaakaanyiza waggulu
Nti mirembe mirembe
Era buli mubatize asaana ajaganye
Ddala ffe tuyimbe
Nga tusaakaanyiza waggulu
Nti mirembe mirembe
Era buli mubatize asaana ajaganye
Ddala ffe tuyimbe
Nga tusaakaanyiza waggulu
Nti mirembe mirembe
Era buli mubatize asana ajaganye
Read Ekijjankunene Part 1 Lyrics by Paul Kafeero
Share: Paul Kafeero – Mukama Waffe Lyrics
📣 Do you find Musiclyfer useful? Follow us on Facebook(@musiclyfer) and stay updated.